Mwanafunzi wa darasa la sita ajinyonga, habari kamili iko hapa

Mwanafunzi wa darasa la sita katika shule ya msingi ya Kakoleni wilayani hapa mkoani Kilimanjaro, Khalid Shaban (14),amefariki dunia baada ya kujinyonga kwa kutumia mkanda wa suruali akiwa chumbani kwake 

Inadaiwa Shaban amejiua kutokana na mshtuko wa kifo cha mama yake mzazi aliyefariki siku chache zilizopita 

Katika tukio hilo lililovuta hisia za watu wengi lilitokea Novemba 28 mwaka huu, saa 7.00 mchana katika eneo la kata ya Mabogini, Moshi. 

Akizungumza na gazeti hii leo (Jumanne) Diwani wa Kata hiyo, Emmanuel Mzava, amesema baada ya mama mzazi wa Mwanafunzi kuanza kuugua mtoto huyo alikata tamaa na kusema kuwa mama yake hataweza kupona tena 

Mzava amesema baada ya muda mfupi mama wa kijana huyo alifariki dunia, alipofariki afya ya Shaban ilianza kudhoofika kutokana na kifo cha mama yake 

"... Alipoteza matumaini na kwamba hawezi kuendelea tena kuishi bila ya mama yake,"amesema Mzava.

Filed Under: MATUKIO on